Janus (Museo Vaticano)
Sa festa de Santu Jubanne si
faghet su 24 de làmpadas. Antigamente, sa die a in antis de sa festa si faghiant sos fogos in cada bighinadu cun frores mutidos "su frore de Santa Maria" e “Su frore de Santu Juvanne”. A borta de die andaiant a gollire cussos frores, e in antis de s’ Ave Maria, si faghiat su fogu cun sos frores chi nc'aiant gollidu. Fintzas a cando sos frores no acabaiant sighiant a los brusiare. In s'ìnteri chi sos frores fiant brusiende sa gente si poniat a brincare a subra pro bator bortas e cada borta chi brincaiant faghiant su sinnu de sa rughe, pro si nche mòere su pùlighe.
Su 24, a pustis de sa missa, incomintzaiat sa festa e totu sa gente andaiat a sa domo de su sòtziu in ue si mandigaiat sos durches.
A borta de die bi fiat pìspiru. A pustis furriaiant sos caddos in tundu a sa crèsia,e sos pilochedos a pitzu de sas balletas e a pustis galu, medas bortas, si faghiant sos giogos pro sos pilosos. Un' àtera cosa fiat s'àrbule de sa cucagna e chie bincaiat beniat premiadu. A su sero sa gente andaiat a sa pratza de sa festa pro ascurtare sos cantos a tenore o a chitarra.
Nessun commento:
Posta un commento